१ आश्विन २०७८, शुक्रबार

बृद्ध भत्ता १ हजार बढ्यो, साउनदेखि ४ हजार



१५ जेठ, काठमाडौं । सरकारले ज्येष्ठ नागरिकको मासिक भत्ता १ हजार बढाएर मासिक ४ हजार रुपैयाँ पुर्याएको छ । शनिबार आर्थिक वर्ष २०७८/७९ को बजेट सार्वजनिक गर्दै अर्थमन्त्री विष्णु पौडेलले सबै प्रकारका सामाजिक सुरक्षा भत्ता ३३ प्रतिशत वृद्धि गरिएको जानकारी गराएका हुन् ।

उनले सामाजिक सुरक्षाका लागि १ खर्ब रुपैयाँ विनियोजन गरिएको अर्थमन्त्री पौडेलले बताए ।

तत्कालीन एमाले सरकारका अर्थमन्त्री भरतमोहन अधिकारीले आर्थिक वर्ष २०५१/५२ को बजेटमा पहिलो पटक बृद्धभत्ताको नीति सुरु गरेका थिए । त्यसबेला बृद्धभत्ता पाउने उमेर ७५ वर्ष तोकिएको थियो र मासिक भत्ता जम्मा सय रुपैयाँ थियो ।

तत्कालीन अर्थमन्त्री युवराज खतिवडाले आर्थिक वर्ष २०७६/७७ को बजेटमा वृद्धभत्ता १ हजार बढाएर ३ हजार पुयाएका थिए । यो वर्षपनि अर्थमन्त्री पौडेलले १ हजार बढाएर ४ हजार पुर्याएका छन् ।

आउदो साउन १ गतेबाट ज्येष्ठ नागरिकले बढेको भत्ता पाउने छन् ।


प्रतिक्रिया दिनुहोस !

थप खबरहरु

धेरै पढिएको