संविधानको भावना विपरितको ओली सरकारले दुरगामी निर्णय नगरोस् : देउवा
रारापाटी डेस्क
प्रकाशित मिति :
१३ जेष्ठ २०७८, बिहीबार
प्रकाशित मिति :
१३ जेष्ठ २०७८, बिहीबार
१३ जेष्ठ, काठमाडौं । नेपाली कांग्रेसका सभापति शेरबहादुर देउवाले केपी शर्मा ओली नेतृत्वको वर्तमान सरकार संविधानको मूल मर्म र भावनाविपरीत सत्तामा आसिन रहेको बताएका छन् ।
आज (बिहिबार) एक विज्ञप्ति सार्वजनिक गर्दै सभापति देउवाले नेकपा एमालेका अध्यक्ष समेत रहेका ओली सरकारमा रहिरहने कुनै पनि नैतिक अधिकार बाँकी नरहेका स्पष्ट पारेका हुन् ।
उनले सरकारका सम्बन्धमा मुद्दा सर्वोच्चमा विचाराधिन रहेकोले संसदीय प्रक्रियालाई छलेर कुनै पनि दुरगामी प्रकृतिका निर्णय नलिन र कार्यान्वयन नगर्न सरकारको ध्यानाकर्षण गराएका छन् । उनले सरकारी संयन्त्रको दुरूपयोग नगर्नसमेत चेतावनी दिएका छन् ।
हालै प्रधानमन्त्रीलाई बुझाएको १५ बुँदे मागबारे देउवाले पुनः ध्यानाकर्षण गराएको विज्ञप्तिमा उल्लेख गरिएको छ ।
विज्ञप्ति हेर्नुहोस् :
