८ माघ २०७८, शनिबार

पाँच विद्यार्थी संगठनले संसद विघटन विरुद्ध आन्दोलन गर्ने



९ जेठ, काठमाडौं । विपक्षी गठवन्धनका ५ विद्यार्थी संगठनहरूले सरकारले जन स्वास्थ्यमाथि गरेको खेलवाड र संसद विघटनका विरुद्ध आन्दोलन गर्ने घोषणा गरेका छन् । गठवन्धनका नेपाली कांग्रेस, माओवादी केन्द्र, एमाले खनाल–नेपाल समूह, जसपा र राष्ट्रिय जनमोर्चाका विद्यार्थी नेताहरुले संयुक्त विज्ञप्ति निकालेर प्रतिरोध गर्न आह्वान गरेका हुन् ।

विद्यार्थी नेताहरूले जारी गरेको विज्ञप्तिमा भनिएको छ,‘कोरोना भाइरस नियन्त्रणमा ध्यान नदिएको कारण अस्पतालमा बेड, अक्सिजन, औषधिको हाहाकार मच्चिरहेको अवस्थामा मध्यावधि निर्वाचनको घोषणा देश र जनताप्रति गैरजिम्मेवारीको पराकाष्ठा हो भने जनताको स्वास्थ्यमाथिको गम्भीर खेलवाड र अपराध हो ।’

संयुक्त विज्ञप्तिमा लेखिएको छ, ‘सर्वोच्च अदालतले पुनःस्थापना गरेको संसदको दोस्रो पटकको विघटन सर्वभौम जनतामाथि गरिएको निरंकूश र अधिनायकवादी डकैती हो । संयुक्त विद्यार्थी आन्दोलनको तर्फबाट संसद विघटनको घोर निन्दा र भर्त्सना गर्दछौं ।’

विद्यार्थी नेताहरूले जारी गरेको विज्ञप्ति अनुसार सरकारले जनतामाथि गरेको भन्दै उनीहरुले आ–आफ्नो ठाउँबाट प्रतिरोध गर्न सम्पूर्ण विद्यार्थी तथा आम जनसमुदायमा अनुरोध गरेका छन् । संयुक्त विज्ञप्तिमा नेपाल विद्यार्थी संघका अध्यक्ष राजीव ढुंगाना, अखिल क्रान्तिकारीका अध्यक्ष रञ्जित तामाङ, अनेरास्ववियू (खनाल–नेपाल) पक्ष का अध्यक्ष सुदेश पराजुली, समाजवादी विद्यार्थी युनियनका अध्यक्ष रुपनारायण श्रेष्ठ र अखिल छैटौंका अध्यक्ष विमल पोखरेलको हस्ताक्षर गरेका छन् ।

संयुक्त विज्ञप्तिको पूर्णपाठः


प्रतिक्रिया दिनुहोस !

थप खबरहरु

धेरै पढिएको