२९ आश्विन २०७८, शुक्रबार

पाटन अस्पतालमा उपचाररत ३ जना कोरोना सङ्क्रमितको मृत्यु



१४ भाद्र, काठमाडौं । पाटन अस्पतालमा उपचाररत ३ जना कोरोना सङ्क्रमितको मृत्यु भएको छ । उपचाररत सङ्क्रमितको शनिबार मृत्यु भएको अस्पताल स्रोतले जनाएको छ ।

मृत्यु हुनेमा ललितपुरस्थित पाटनका २९ वर्षीय युवक, भैरहवाका ५७ वर्षीय पुरूष र जलेश्वरकी ६२ वर्षीया वृद्धा रहेको पाटन अस्पातालका निर्देशक डा. रवि शाक्यले जानकारी दिए ।

निर्देशक शाक्यका अनुसार भैरहवाका पुरूषको शनिबार साँझ ७ बजे, जलेश्वरकी वृद्धाको दिउँसो २ बजे र पाटनका युवकको राति १० बजे मृत्यु भएको हो । पाटनका युवक र भैरहवाका पुरूष किड्नीका विरामी थिए । जलेशवरकी वृद्धाको रगतमा समस्या रहेको निर्देशक शाक्यले बताए ।

भैरहवाका पुरूष र जलेशवरकी महिलाको शव व्यवस्थापन गरिएको र पाटनका युवकको शव व्यवस्थापन गर्न नेपाली सेनाको टोलीलाई खबर गरिएको अस्पतालले जनाएको छ ।


प्रतिक्रिया दिनुहोस !

थप खबरहरु

धेरै पढिएको