माओवादी केन्द्रले बोलायो स्थायी कमिटी बैठक
रारापाटी
प्रकाशित मिति :
१९ चैत्र २०७७, बिहीबार
प्रकाशित मिति :
१९ चैत्र २०७७, बिहीबार
१९ चैत, काठमाडौं । नेकपा माओवादी केन्द्रको स्थायी कमिटी बैठक बिहीबार बस्दैछ । पार्टी कार्यालय पेरिसडाँडामा बिहान ९ बजेपछिका लागि बैठक बोलाइएको हो ।
बैठकमा सरकारलाई दिएको समर्थन फिर्ता लिने विषयमा छलफल हुने र निर्णय लिन सकिने एक स्थायी कमिटी सदस्य देवेन्द्र पौडेलले जानकारी दिए ।
सर्वोच्च अदालतको फैसलापछि नेकपा एकता भंग भई पूर्ववत अवस्थामा फर्किए पनि माओवादी केन्द्रले केपी शर्मा ओली सरकारलाई दिएको समर्थन फिर्ता लिएको छैन ।
केही दिनअघि माओवादी अध्यक्ष प्रचण्डले समर्थन फिर्ता लिने निर्णयका लागि अब धेरै दिन नलाग्ने बताएका थिए ।
