५ आश्विन २०७८, मंगलवार

बाबुले दिए ११ महिनाको छोरालाई कलेजो



चैत १, काठमाडौं । कलेजो प्रत्यरोपण नेपालमा हुँदैन भनेर विभिन्न मान्छेहरु विदेश गइरहेका बेला त्यसको उपचार नेपालमा पनि हुने गरेको छ ।
त्रिभुवन शिक्षण अस्पताल महाराजगञ्जमा शनिबार १ वर्षभन्दा कम उमेरको बच्चामा कलेजो प्रत्यारोपण गरिएको छ । शनिबार राति ११ महिनाका एक जना शिशुमा कलेजो प्रत्यारोपण भएको हो ।

त्रिवि शिक्षण अस्पतालका कलेजो प्रत्यारोपण सर्जन प्राध्यापक डाक्टर रमेशसिंह भण्डारीले दिएको जानकारी अनुसार काभ्रे घर भएका ३५ वर्षीय बाबुले आफ्ना छोरालाई कलेजो दिएका हुन् । ती बच्चाको जन्मदेखि नै कलेजोमा समस्या थियो।

‘उहाँहरू विदेशमा उपचार गर्न जानु पर्‍यो भनेर प्रधानमन्त्रीकहाँ सहयोग माग्न जानुभएको रैछ,’ डाक्टर भण्डारीले भने,ुप्रधानमन्त्रीज्यू, त्यसको उपचार नेपालमै हुन्छ। टिचिङ अस्पतालमा जानुस् भनेपछि हाम्रो सम्पर्कमा आउनु भएको हो।’

अहिले बाबु र छोराकै स्वास्थ्य सामान्य रहेको डाक्टर भण्डारीले बताए।

डाक्टर भण्डारी र उनको टिमले २०७६ जेठमा त्रिवि शिक्षण अस्पतालमा पहिलो पटक कलेजो प्रत्यारोपण गरेको थियो। त्यसयता पाँच जना बिरामीको कलेजो प्रत्यारोपण भएको छ।


प्रतिक्रिया दिनुहोस !

थप खबरहरु

धेरै पढिएको