२४ श्रावण २०७९, मंगलवार

१० वर्षीय ‘फुच्चे ब्रुस ली’ : जो हरेक दिन ४ घण्टा अभ्यास गर्छन् !



२६ फागुन, काठमाडौं । र्युयसेई ‘र्युकजी’ इमाई जापानको नाराका १० वर्षीय बालक हुन् । उनले आफ्नो जीवन मार्सल आर्टसका लिजेन्ड ब्रुस लिको नक्कल गर्न समर्पित गरेका छन् ।

यति सानो उमेरमा नै उनी हरेक दिन साढे चार घण्टा अभ्यास गर्छन् । उनले आफ्नो शरीर समेत ब्रुस लीको जस्तै बनाइसकेका छन् ।

र्युसजी करीब तीन वर्ष अघि चर्चामा आएका थिए । सन् १९७२ को चलचित्र ‘गेम अफ डेथ’ को एउटा द्वन्द्वको दृश्यमा ब्रुस लीले ननचाकू चलाएको तरिकालाई ठ्याक्कै नक्कल गरेको भिडियो समाजिक सञ्जालमा भाइरल बनेको थियो ।

उनलाई विश्वकै ठूला मिडियाहरुले पछ्याएका थिए भने समाजिक सञ्जालमा उनका हजारौँ फलोअर थपिएका थिए । त्यसपछि उनी सुपरकिड्स नामक टिभी शोमा पनि देखिएका थिए ।

यति सफल हुँदा हुँदै पनि उनले आफ्नो मिहिनेतमा कमी आउन दिएका छैनन् । बरु उनले आफ्नो अभ्यासमा थप ध्यान दिँदै ब्रुस लीका चर्चित द्वन्द्वका दृश्य लाई नक्कल गर्न सिकिरहेका छन् ।

द लिटल ब्रुस ली भनेर चिनिने उनी र्यु्सेई इमाई हरेक दिन साढे चार घण्टा अभ्यास गर्ने गरेका छन् । उनका पिता अनुसार उनी बिहान ६ बजेर उठेर डेढ घण्टा अभ्यास गर्छन् । त्यसपछि स्कूलबाट फर्केर उनी थप एक घण्टा ब्यायाम गर्छन् । त्यसपछि दुई घण्टा किक र ननचाकूको अभ्यास गर्छन् ।

उनका पिता अनुसार र्युघजी १ वर्षको उमेरको हुँदा देखि नै ब्रुस लीका चलचित्र हेर्थे । त्यसपछि चार वर्षको उमेर पुगेपछि उनले चलचित्रका दृश्य नक्कल गर्न थाले । अर्को एक वर्षभित्र उनले गेम अफ डेथको ननचाकू दृश्यलाई नक्कल गर्न सिकिसको थिए ।

र्युलजीका हाल फेसबुकमा कम्तिमा २ लाख ९० हजार फलोअर रहेका छन् ।

उनको आफ्नै युट्युब च्यानलपछि छ । जहाँ उनका पिताले बेलाबेला उनको नयाँ भिडियोहरु अपलोड गर्ने गरेका छन् ।

स्रोत : एजेन्सी


प्रतिक्रिया दिनुहोस !

थप खबरहरु

धेरै पढिएको