५ कार्तिक २०७८, शुक्रबार

एकमात्र भाइ राकेशको निधनले महानायक हमाल शोकमा



७ साउन, काठमाडौं । नेपाली चलचित्र उद्योगका महानायक राजेश हमालका एकमात्र कान्छा भाई राकेश हमालको निधन भएको छ । नयाँ दिल्लीस्थित ह्याम्स अस्पतालमा उपचारका क्रममा राकेश निधन भएको हो ।

अभिनेता हमालका एकमात्र भाई राकेशको निधनले हमाल परिवार शोकमा डुबेको छ । कलेजोमा गम्भिर समस्या देखिएपछि राकेशलाई प्लेन चार्टर्ड गरी दिल्ली लगिएको थियो । उनको शवलाई नेपाल ल्याउने तयारी भइरहेको पारिवारीक स्रोतले जनाएको छ ।

दिवंगत राकेशका श्रीमती र दुई छोराछोरी छन् । लामो समय वि.पि फाउण्डेशनमा रहेर काम गरेका राकेश एसियाली राजनीतीक पार्टीहरुको सम्मेलन आइक्यापमा नेपाली काँग्रेस नेतृ सुजाता कोइरालाको सहयोगीको रुपमा समेत संलग्न हुनुहुन्थ्यो ।

लकडाउनका कारण आफु नेपालमै रहेका बेला नयाँ दिल्लीमा भाइको निधनको खबर महानायक हमाल स्तव्ध बनेका छन् । भाइसँगका सम्झना समेटिएका तस्वीरहरु फेसबुकमा राखेर हमालले लेखेका छन्, गुड बाई डियर काकु….‘मे यू अल्वेज फाइन्ड पिस’

राजेश हमालको फेसबुकबाट

यता राजेश हमालको महानायक पदवीलाई लिएर एकाएक चर्किएको विवाद अझै सेलाइ सकेको छैन । अभिनेत्रृ दिपाश्री निरौलाले एक टेलिभिजन कार्यक्रममा दिएको ठाडो अभिव्यक्तिले विवादको स्वरुप लिएको थियो । हमालले नेपाली चलचित्र क्षेत्रमा करिव ३ दशकसम्म अनवरत पुर्याएको योगदानको कदरस्वरुप आम नेपालीले दर्शकले दिएको मायाको प्रारुप हो महानायक पदवी ।

झिनो सफलता हात पारिसकेपछि मनमा उब्जिएको घमण्डले फुत्कीएको अभिव्यक्तिले दिपाश्रीको अबको चलचित्र यात्रा नै चुनौतिपुर्ण बनाइदिएको छ । दर्शकको संवेदनशिलतामा आघात पर्ने अभिव्यक्तिले दिपाश्रीले व्यहोरेको सजायबाट अन्य कलकारले पनि पाठ सिक्नु जरुरी छ ।


प्रतिक्रिया दिनुहोस !

थप खबरहरु

धेरै पढिएको