यात्रुबहाक बस भेरी नदीमा खस्यो, १ जनाको मृत्यु
रारापाटी डेस्क
प्रकाशित मिति :
२३ पुष २०७७, बिहीबार
प्रकाशित मिति :
२३ पुष २०७७, बिहीबार
२३ पुस, काठमाडौं । सुर्खेतको गुर्भाकोट नगरपालिका वडा नम्बर ९ भुल्केमा यात्रुबहाक बस भेरी नदीमा खसेर दुर्घटनाग्रस्त भएको छ ।
गुडीरहेको बस सडकबाट भेरी नदीमा खस्दा एक जनाको मृत्यु भएको प्रहरीले जनाएको छ । मृतकको पुष्टि हुन भने बाँकी छ ।
बिहीबार सवा ३ बजेतिर भएको उक्त दुर्घटनाको बारेमा पूर्ण विवरण आइनसकेको जिल्ला प्रहरी कार्यालय सुर्खेतले जनाएको छ ।
उद्धारका लागि घटनास्थलतर्फ जिल्ला प्रहरी कार्यालय र ईलाका प्रहरी कार्यालय छिन्चुको टोली गइरहेको छ ।
घटनाबारे थप विवरण आउन बाँकी छ ।
