१० आश्विन २०७८, आईतवार

काठमाडौंमा ९५७ सहित देशभर १९८० जनामा कोरोना पुष्टि



८ मंसिर, काठमाडौं । पछिल्लो २४ घण्टामा थप १ हजार ९८० जनामा कोरोना भाइरस सङ्क्रमण पुष्टि भएको छ ।

स्वास्थ्य तथा जनसङ्ख्या मन्त्रालयलका अनुसार पछिल्लो २४ घण्टामा १० हजार ३८१ जनाको नमूना परीक्षण गर्दा १ हजार १९१ पुरुष र ७८९ महिला गरी कूल १ हजार ९८० जनामा कोरोना सङ्क्रमण पुष्टि भएको हो । थपिएका कूल सङ्क्रमितमध्ये काठमाडौँ उपत्यकामा मात्रै ९५७ जना छन् ।

योसँगै नेपालमा हालसम्म कोरोना सङ्क्रमितको सङ्ख्या दुई लाख २२ हजार २ सय ८८ पुगेको छ । पछिल्लो २४ घण्टामा तीन हजार ४३ जना कोरोना भाइरस सङ्क्रमणमुक्त भएका छन् । हालसम्म सङ्क्रमणमुक्त हुनेको सङ्ख्या २ लाख २ हजार ६७ पुगेको छ । हाल मुलुकभर सक्रिय सङ्क्रमितको सङ्ख्या १८ हजार ८८४ रहेको मन्त्रालयले जनाएको छ ।

मन्त्रालयका अनुसार सङ्क्रमितमध्ये होम आइसोलेशनमा १२ हजार २७१, अस्पतालको सघन उपचार कक्ष (आइसियु)मा ३६५ र भेन्टिलेटरमा ६३ जना रहेका छन् । पछिल्लो २४ घण्टामा कोरोना सङ्क्रमणका कारण थप १६ जनाको मृत्यु भएको छ । योसँगै नेपालमा हालसम्म कोरोना सङ्क्रमणबाट मृत्यु हुनेको सङ्ख्या १ हजार ३३७ पुगेको मन्त्रालयले जनाएको छ ।

(रासस)


प्रतिक्रिया दिनुहोस !

थप खबरहरु

धेरै पढिएको