बाँदरलाई हानेको गोली लागेर एक वृद्धको मृत्यु
रारापाटी
प्रकाशित मिति :
१० कार्तिक २०७७, सोमबार
प्रकाशित मिति :
१० कार्तिक २०७७, सोमबार
१० कार्तिक, प्युठान । प्युठानमा बाँदर धपाउन खोज्दा हानेको बन्दुकको गोली लाग्दा आज एक वृद्धको मृत्यु भएको छ । नौवहिनी गाउँपालिका वडा नम्बर ५ डामकोट बस्ने ७१ वर्षीय वृद्ध दलबहादुर सुनारको मृत्यु भएको प्रहरीले जनाएको छ ।
सोही गाउँपालिकाकै ३४ वर्षीय हेमलाल सुनारले आज बिहान बारीमा बाँदर भगाउने क्रममा चलाएको बन्दुकले नातामा काका पर्ने दलबहादुरलाई लागेको थियो ।
बन्दुक प्रहारकर्ता हेमलाललाई प्रहरीले नियन्त्रणमा लिएको जिल्ला प्रहरी कार्यालय प्युठानका प्रहरी प्रमुख एवम् प्रहरी नायब उपरीक्षक सुनील मल्लले जानकारी दिए ।
(रासस)
