३० आश्विन २०७८, शनिबार

उही तिम्रो साथी



अघि बढौं आउ साथी नमानेर हार
कर्णालीको पानी जस्तै बनौ सदाबहार ।

किन हामी सधै भरी मागी मागी हिँड्ने
कर्णालीमै सुन फल्छ संसारले किन्ने ।

कर्णालीमा दिव्यज्ञान फैलाएर छाेडौं
निराशा र स्वार्थीपनको इतिहासलाई तोडौं ।

सधै भरी हुन्न साथी कुपमन्डुक बन्न
अन्धकारमा जन्मिएर अन्धकारमै मर्न ।

एउटै बनाउ नीति-नियम एउटै अधिकार
हुन्न साथी स्वार्थी बनी लड्न बारम्बार ।

हिमालको गर्भभित्र सभ्यताको बाली
सुक्न दिनु हुन्न साथी उर्वशीको लाली ।

(प्रा. डा. सिंह मध्यपश्चिमाञ्चल विश्वविद्यालयका उपकुलपति हुन् ।)


प्रतिक्रिया दिनुहोस !

थप खबरहरु

धेरै पढिएको