२ कार्तिक २०७८, मंगलवार

कांग्रेस नेता जीवन शाहीको गृह जिल्ला हुम्लामा समानान्तर कमिटी गठन




असोज १६, सुर्खेत । हुम्लाको प्रदेश निर्वाचन क्षेत्र (क)मा नेपाली कांग्रेसका वरिष्ठ नेता रामचन्द्र पौडेल पक्षले समान्तर कमिटी गठन गरेको छ । पौडेल समूहबाट प्रदेश (क) मा लोकेन्द्र भण्डारीको नेतृत्वमा समानान्तर कमिटी गठन भएको हो ।

फर्जी मतदानको कुनै सुनुवाई नभएको भन्दै पौडेल समूहले गाँउ, वडा र जिल्लामा पनि समानान्तर कमिटी गठन गर्ने जनाएको छ ।

मतदान अधिकृत राजबहादुर ऐडीले मनोमानी ढंगले निर्वाचन गरेको र आफुहरुले समान्तर कमिटी बनाएको पूर्व सांसद रीता शाहीले बताइन् । ‘फर्जी मतदान गरेपछि हामीले समान्तर कमिटी बनाएका छौं,’ उनले भनिन्,‘एकलौटी रुपमा चल्ने पार्टी हैन् ।’

हुम्ला जिल्ला पूर्वपर्यटनमन्त्री एवं नेपाली कांग्रेसका केन्द्रीय सदस्य जीवनबहादुर शाहीको गृह जिल्ला पनि हो ।

कांग्रेसको सातौँ जिल्ला अधिवेशनसमेत पौडेल समूहले बहिष्कार गरेको पूर्वसांसद रिता शाहीले बताइन् ।


प्रतिक्रिया दिनुहोस !

थप खबरहरु

धेरै पढिएको