१ आश्विन २०७८, शुक्रबार

माधव नेपालले अब वडा सदस्य पनि जित्दैनन्ः केपी ओली




भदौ २९, काठमाडौं ।
नेकपा एमाले अध्यक्ष केपी शर्मा ओलीले अब माधवकुमार नेपालको राजनीति सकिएको टिप्पणी गरेका छन् । नेकपा एकीकृत समाजवादीका अध्यक्ष नेपालले पार्टी फुटाएर गएकाले अब जनताले उनलाई भोट नदिने ओलीले बताएका हुन् ।

‘माधव नेपालले त वडा अध्यक्ष के अब वडा सदस्य पनि जित्दैनन्,’ झापामा आयोजित एक कार्यक्रममा ओलीले भने, ‘अब माधवकुमार नेपाललाई जनताले किन भोट हाल्ने ? पार्टी फुटाएकाले ?’

झापामा कार्यकर्ता भेलालाई सम्बोधन गर्दै पूर्वप्रधानमन्त्रीसमेत रहेका ओलीले एमाले फुटाउन खोजेका प्रतिक्रियावादीको मुटु अहिले हल्लिएको पनि बताएका छन् ।

उनले नेकपा एमाले माधवकुमार नेपालले बनाएको पार्टी नभएको भन्दै माधव नेपालले कम्युनिस्ट इतिहासमा निकै ठूलो गल्ती गरेको पनि बताएका छन् ।


प्रतिक्रिया दिनुहोस !

थप खबरहरु

धेरै पढिएको