२ कार्तिक २०७८, मंगलवार

खाद्यान्नको आयात बढ्यो : एक वर्षमा अर्बौको गेडागुडी आयात




१२ भदौ, काठमाडौं । नेपालगञ्ज नाकाबाट एक वर्षमा रु एक अर्ब ५२ करोड ३७ लाख बराबारको गेडागुडी आयात भएको छ। आर्थिक वर्ष ०७६र७७ मा रु एक अर्ब १० करोड ८८ लाखको मात्र आयात भएको थियो।

यसैगरी सोही नाकाबाट हरेक वर्ष चामल तथा चामलजन्य वस्तु आयातमा पनि वृद्धि हुँदै गएको छ। नेपालगञ्ज भन्सार कार्यालयका अनुसार गत आवमा रु ८९ करोडको चामल आयात भएको छ। आव ०७६र७७ भन्दा यो झण्डै रु २९ करोडभन्दा बढी हो।

आव ०७७७८ मा रु ८८ करोड ९८ लाख ४२ हजार ९६ को ती खाद्यान्न आयात भएको प्रमुख भन्सार अधिकृत जयबहादुर भण्डारीले जानकारी दिए। उनका अनुसार आव ०७६र७७ मा रु ६० करोड १० लाख १५ हजार १४४ बराबरको आयात भएको थियो। आव ०७५र७६ मा रु ४९ करोड ७१ लाख १५ हजार आठ सय १३ को चामल आयत भएको देखिन्छ।

नेपालगञ्ज नाकाबाट पेट्रोलियम पदार्थ आयातमा पनि वृद्धि भएको छ। गत आव दुई अर्ब ४६ करोड ७० लाखको पेट्रोल आयात भएको उनको भनाइ छ। आव ०७६÷७७ मा एक अर्ब ९५ करोड ३९ लाखको आयात भएको थियो । “पेट्रोल र खाद्यन्न आयातमा वृद्धि हुनुले परनिर्भरता बढ्दै गएको छ भन्ने देखाउँछ,” उनले भने।

कार्यालयका अनुसार गत आवमा चार अर्ब ८८ करोड ३९ लाख ८८ हजार मूल्य बराबरको चिनी तथा चिनीजन्य वस्तु आयात भएको छ। यो पनि आव ०७६÷७७ को तुलनामा धेरै हो। उक्त आवमा रु एक अर्व ४४ करोड ६२ लाखको ती वस्तु आयात भएको थियो ।

सिमेन्टको क्लिङ्कर आयातमा भने गिरावट आएको छ । गत आवमा रु ३९ करोड १२ लाखको क्लिङ्कर आयात हुँदा आव ०७६÷७७ मा रु ४१ करोड ९३ लाखका क्लिङकर आयात भएको थियो। लकडाउनका कारण सिमेन्ट कारखाना बन्द भएकाले यस वर्ष भारतबाट क्लिङ्कर आयातमा कमी भएको हुनसक्ने कार्यालय प्रमुख भण्डारीको भनाइ छ ।


प्रतिक्रिया दिनुहोस !

थप खबरहरु

धेरै पढिएको