२ कार्तिक २०७८, मंगलवार

नागरिकहरुलाई दुःख नदिन तालिवानीको आफ्ना लडाकुलाई आग्रह



एजेन्सी । अफगानिस्तानको राजधानी काबुलकी एक छात्राले आयशा खर्रमले ट्विट गर्दै तालिवानको प्रशंसा गरेकी छन् ।

आयशाले सोमबार ट्विट गर्दै लेखेकी छन्, ‘सोमबार विहान मेरो घर अगाडि चिच्याएको, कराएको आवाज आइरहेको थियो । साथै गोलीको आवाज पनि आइरहेको थियो । त्यसपछि म बिउझिँए ।’

उनले अगाडि लेखेकी छिन्, ‘आफूलाई मुजाहिदीन भन्ने केही लडाकुहरु घर–घरमा छिरेर मानिसहरुको सामान र कार लुटिरहेका रहेछन् । तर, उनीहरु तालिवानी अधिकारीहरु आएको खबर सुन्नेवित्तिकै भागे ।’

काबुल कब्जा गरेपछि तालिवानले फेरि आफ्ना लडाकुहरुलाई सर्वसाधारणमाथि ज्यादती नगर्न अनुरोध गरेको छ ।

अफगानिस्तानको सत्ता हातमा लिएपछि तालिवान पहिलेभन्दा उदार देखिएको छ ।

तालिवानका प्रवक्ता मोहम्मद सुहैल शाहीनले ट्विट गर्दै भनेका छन्, ‘तालिवानले एक पटक फेरि मुजाहिदीनहरुलाई अनुमतिबिना कसैको घरको भित्र नपस्न आदेश दिएको छ । मुजाहिदीनहरुको जिम्मेवारी सर्वसाधारणको जीवन, सम्पत्ति र उनीहरुको सामानको रक्षा गर्नु हो ।’


प्रतिक्रिया दिनुहोस !

थप खबरहरु

धेरै पढिएको