५ कार्तिक २०७८, शुक्रबार

६ विवाह मण्डपबाट भागेकी कटरीना




मुम्बई(आजतक) । अभिनेत्री कटरीना कैफ बलिउडको ठूलो नाम हो । सन् २००३ मा बलिउडमा डेब्यू गरेपछि कटरीनाले कैयौं भूमिका निर्वाह गरेकी छन् । यी भूमिकामा उनले निभाएको बेहुली भूमिका निकै हिट छ ।

कटरीनाले कैयौं फिल्ममा यस्तो महिलाको भूमिका निभाएकी छन्, जो विवाहको तयारीमा हुन्छिन् । तर उनी बेहुली बनेको फिल्ममा उनी विवाह मण्डपबाट भाग्ने गरेकी छन् ।

फिल्म ‘अजब प्रेमकी गजब कहानी’मा कटरीनाले अभिनेता रणवीर कपूरको प्रेमिकाको भूमिकामा अभिनय गरेकी छन् । फिल्ममा जेनीको भूमिकामा देखिएकी कटरीनाले प्रेमीसँग विवाह गर्ने तयारीमा हुन्छिन् । तर अन्त्यमा उनले आफ्नो प्रेम रणवीर कपूरसँग रहेको अनुभव गरेपछि उनी विवाह मण्डपबाट भाग्छिन् ।

फिल्म ‘नमस्ते लण्डन’मा कटरीनाको वैवाहिक लुक्स निकै आकर्षक थियो । यद्यपि यो फिल्ममा उनी आफ्नो विवाहबाट भागेर पहिलो पति अक्षय कुमारको ठाउँमा पुग्छिन् ।

कटरीनाले अभिनेता अक्षय कुमारसँग फिल्म ‘सिंह इज किङ’मा अभिनय गरेकी छन् । फिल्ममा कटरीनाको विवाह उनको अर्को दुलाहा रणवीर शोरेसँग हुने तामझाम भइरहेको हुन्छ । तर उनलाई आफ्नो वास्तविक प्रेमी अक्षय हो भन्ने थाहा भएपछि उनी भागेर अक्षयलाई भेट्न पुग्छिन् ।

फिल्म ‘पार्टनर’मा अभिनेता सलमान खानले निकै मेहनत गरेर गोविन्दा र कटरीनाको मन जोड्छन् । तर कटरीनाको धनी पिताले उनको विवाह अझ धनी केटासँग गराउन चाहन्छन् । यद्यपि कटरीनाको हुन लागेको विवाहमा गोविन्दा, सलमान र लारा दत्त पुग्छन् ।

यसबाहेक कटरीना फिल्म ‘मैंने प्यार क्यों किया’ र ‘मेरे ब्रदर की दुल्हन’मा पनि विवाहको मण्डपबाट भागेकी छन् ।


प्रतिक्रिया दिनुहोस !

थप खबरहरु

धेरै पढिएको